சத்துமாவு கஞ்சி

தேவையானவை: 
 முளைகட்டிய கேழ்வரகு, முளைகட்டிய பயத்தம்-பருப்பு, முளைகட்டிய கோதுமை, முளைகட்டிய வெள்ளை கொண்டைக்கடலை - தலா ஒரு கப், பொட்டுக்கடலை, கோதுமை ரவை தலா -ஒரு கப், புழுங்கல் அரிசி, வேர்க்கடலை, முந்திரி - தலா அரை கப், எள் - கால் கப்.
 செய்முறை:
 எல்லா பொருட்களையும் வெயிலில் காய வைத்து தனித் தனியாக வறுக்கவும். பிறகு ஒன்றாக சேர்த்து அரைத்து தேவையான வெல்லம், பால் சேர்த்து கஞ்சியாக காய்ச்சி குடிக்கவும். இது, குழந்தைகளுக்கு மிகவும் ஏற்றது இனிப்பு பிடிக்காதவர்கள் வெல்லத்துக்கு பதிலாக உப்பு சேர்த்துக் கொள்ளலாம்.

பச்சைப் பட்டாணி சுண்டல்

தேவையானவை: 

  பச்சைப் பட்டாணி - 200 கிராம், துருவிய கேரட் - 2 டீஸ்பூன், கொத்தமல்லித் தழை - சிறிதளவு, தேங்காய் துருவல் - 2 டீஸ்பூன், கடுகு, எண்ணெய் - ஒரு தலா டீஸ்பூன், உப்பு - தேவையான அளவு.

வறுத்துப் பொடிக்க: தனியா, கடலைப்பருப்பு - தலா ஒரு டீஸ்பூன், காய்ந்த மிளகாய் - ஒன்று.

செய்முறை:  

 தனியா, கடலைப்பருப்பு, காய்ந்த மிளகாயை எண்ணெய் விடாமல் வறுத்துப் பொடித்து வைக்கவும். பச்சைப் பட்டாணியை 2 மணி நேரம் தண்ணீரில் ஊற வைத்து... குக்கரில் வைத்து இரண்டு விசில் வந்ததும் இறக்கவும். வாணலியில் எண்ணெய் விட்டு, கடுகு தாளித்து, வேக வைத்த பட்டாணியை தண்ணீர் வடித்து சேர்க்கவும். இதனுடன் கேரட் துருவல், தேங்காய் துருவல், உப்பு சேர்த்து, வறுத்துப் பொடித்ததையும் சேர்த்துக் கிளறி, கொத்தமல்லியைத் தூவி கலந்து பரிமாறவும்.

ராகி பூரி

  தேவையானவை:
ராகி மாவு, கோதுமை மாவு - தலா ஒரு கப்,
உப்பு, தண்ணீர் - தேவையான அளவு.
 செய்முறை:
எல்லா பொருட்களையும் ஒன்று சேர்த்து பூரி மாவுபோல பிசைந்து கனமான பூரிகளாக பொரித்து எடுக்கவும்.

ராகி போண்டா

  தேவையானவை:
நறுக்கிய வெங்காயம் - கால் கப்,
வேக வைத்து மசித்த உருளைக்கிழங்கு - ஒரு கப்,
பொடியாக நறுக்கிய பச்சைமிளகாய், இஞ்சி, கொத்தமல்லி, கறிவேப்பிலை - சிறிதளவு,
 உப்பு, எண்ணெய் - தேவையான அளவு.
 மேல் மாவுக்கு:
 ராகி மாவு - ஒரு கப்,
கடலை மாவு - கால் கப்,
பெருங்காயத்தூள் - கால் டீஸ்பூன்,
உப்பு - சிறிதளவு,
சோடா உப்பு - ஒரு சிட்டிகை,
மிளகாய்த்தூள் - அரை டீஸ்பூன்.
 செய்முறை:
மேல் மாவுக்கு கொடுத்துள்ளவற்றை கெட்டியாக கரைத்துக் கொள்ளவும். கடாயில் எண்ணெய் ஊற்றி, உருளைக்கிழங்கு, பச்சைமிளகாய், இஞ்சி, கொத்தமல்லி, கறிவேப்பிலை, உப்பு போட்டு வதக்கிக் கொள்ளவும். பிறகு இவற்றை சிறு உருண்டைகளாக செய்து, கெட்டியாகக் கரைத்து வைத்துள்ள மேல் மாவில் தோய்த்து பொரித்தெடுக்கவும்.

பார்லி சாபுதானா சுண்டல்

தேவையானவை: 

  பார்லி, ஜவ்வரிசி, வறுத்த வேர்க்கடலை - தலா 100 கிராம், பொட்டுக்கடலை - ஒரு டீஸ்பூன், வறுத்த முந்திரிப்பருப்பு, பிஸ்தா பருப்பு - தலா 10, இஞ்சி விழுது - ஒரு டீஸ்பூன், மிளகுத்தூள் - கால் டீஸ்பூன், எண்ணெய், உப்பு - தேவையான அளவு.

செய்முறை: 

  பார்லி, ஜவ்வரிசியை நன்கு ஊற வைத்து, தண்ணீர் வடிக்கவும். வாணலியில் எண்ணெய் விட்டு, இஞ்சி விழுது, மிளகுத்தூள் சேர்த்து, ஊற வைத்த பார்லி, ஜவ்வரிசி, உப்பு சேர்த்து, அடுப்பை மிதமான தீயில் வைத்துக் கிளறவும். இதனுடன் வறுத்த வேர்க்கடலை, முந்திரி, பிஸ்தா, பொட்டுக்கடலை சேர்த்துக் கிளறி இறக்கவும்.

கடலைப்பருப்பு சுண்டல்

தேவையானவை:  கடலைப்பருப்பு - 200 கிராம், தேங்காய் துருவல் - 2 டீஸ்பூன், கடுகு - ஒரு டீஸ்பூன், காய்ந்த மிளகாய் - 2, பெருங்காயத்தூள், கறிவேப்பிலை - சிறிதளவு, எண்ணெய் - ஒரு டீஸ்பூன், உப்பு - தேவையான அளவு.

செய்முறை: கடலைப்பருப்பை ஒரு மணி நேரம் ஊற வைக்கவும். பிறகு குக்கரில் வைத்து, ஒரு விசில் வந்ததும் இறக்கவும். வாணலியில் எண்ணெய் விட்டு கடுகு தாளித்து, காய்ந்த மிளகாயை கிள்ளிப் போட்டு... வேக வைத்த கடலைப்பருப்பை தண்ணீர் வடித்து சேர்த்து, உப்பு, தேங்காய் துருவல், பெருங்காயத்தூள், கறிவேப்பிலை சேர்த்துக் கிளறி இறக்கவும்.

காஷ்மீரி பனீர் மசாலா

தேவையானவை: 

 பனீர் - 200 கிராம்,

 சீரகம் - ஒரு டீஸ்பூன்,

 மஞ்சள்தூள் - கால் டீஸ்பூன், 

 முந்திரிப் பருப்பு - 10,

 பச்சை மிளகாய் - 4, 

ஏலக்காய் - 2, 

சர்க்கரை - அரை டீஸ்பூன், 

கெட்டியான தயிர் - அரை கப், 

பால் - தேவைக்கேற்ப, 

காஷ்மீரி கரம் மசாலா - 2 டீஸ்பூன், 

வெங்காயம் - 2, கொத்தமல்லி,

 புதினா - தலா ஒரு கப்,

 வெண்ணெய் - 4 டீஸ்பூன், 

உப்பு - தேவையான அளவு.

காஷ்மீரி கரம் மசாலாவுக்கு: 

 சீரகம், சோம்பு - தலா அரை கப், காஷ்மீரி மிளகாய் (பெரிய மளிகைக் கடைகளில் கிடைக்கும்) - 8, கிராம்பு - 4, பட்டை - சிறு துண்டு, வெந்தயம் - கால் டீஸ்பூன், ஜாதிக்காய் - சிறு துண்டு, கறுப்பு ஏலக்காய் - 4 (இவற்றை வறுத்து கொரகொரப்பாக பொடித்து வைத்துக் கொள்ளவும்).

செய்முறை: 

 பனீரை சதுர துண்டுகளாக அரியவும். இளம் சூடான தண்ணீரில் மஞ்சள்தூள் சேர்த்து, பனீர் துண்டுகளை ஊற வைக்கவும். கொத்தமல்லி, புதினா, பச்சை மிளகாய், ஏலக்காய், சர்க்கரை, முந்திரிப் பருப்பு ஆகியவற்றை மிக்ஸியில் போட்டு, கெட்டியான தயிர் சேர்த்து அரைக்கவும். (தண்ணீர் சேர்க்கக் கூடாது).

கடாயில் வெண்ணெய் சேர்த்து, சீரகம் தாளிக்கவும். வெங்காயத்தை நீளவாக்கில் அரிந்து சேர்த்து வதக்கவும். அரைத்த கொத்தமல்லிக் கலவை, பனீர் துண்டுகள், உப்பு, 2 டீஸ்பூன் காஷ்மீரி கரம் மசாலாத்தூள் சேர்க்கவும். தேவையான பால் ஊற்றி தளர்த்தவும். கொதித்ததும் அடுப்பை அணைத்து பரிமாறும் பாத்திரத்துக்கு மாற்றி, மேலாக கெட்டியான பால் சேர்த்து சூடாகப் பரிமாறவும்.

காராமணி இனிப்பு சுண்டல்

தேவையானவை: 

 சிவப்பு காராமணி - ஒரு கப்,

 பாகு வெல்லம் (பொடித்தது) - ஒரு கப், 

 வறுத்துப் பொடித்த எள் - 2 டீஸ்பூன், தேங்காய் துருவல் - ஒரு டேபிள்ஸ்பூன்,

 ஏலக்காய்த்தூள் - சிறிதளவு.

செய்முறை: 

 சிவப்பு காராமணியை வறுத்து, இரண்டு மணி நேரம் ஊற வைக்கவும். பிறகு குக்கரில் வைத்து, இரண்டு விசில் வந்ததும் இறக்கவும். வெல்லத்தை தண்ணீர் விட்டு கரைத்து சிறிது கொதிக்கவிட்டு, வடிகட்டி, மீண்டும் அடுப்பில் ஏற்றி பாகு காய்ச்சவும். இதை வெந்த காராமணியுடன் சேர்த்து... எள்ளுப் பொடி, தேங்காய் துருவல், ஏலக்காய்த்தூள் சேர்த்துக் கலந்தால்... காராமணி இனிப்பு சுண்டல் தயார்.

ஓட்ஸ் சாண்ட்விச்

தேவையானவை: 
ஓட்ஸ் - அரை கப், 
புதினா, கொத்தமல்லி - ஒரு கட்டு,
 பச்சைமிளகாய் - 2, 
தக்காளி - 2, 
வேக வைத்து மசித்த உருளைக்கிழங்கு - 2, 
பெரிய வெங்காயம் - 3, 
வேக வைத்த பச்சை பட்டாணி - கால் கப், 
கேரட் - 1 (பொடியாக துருவவும்), 
மிளகாய்த்தூள் - அரை டீஸ்பூன், 
கரம் மசாலாத்தூள் - அரை டீஸ்பூன், 
உப்பு - தேவையான அளவு. 
செய்முறை: 
ஓட்ஸை பத்து நிமிடம் கொதிநீரில் ஊற வைத்து வடித்துக் கொள்ளவும். கடாயில் எண்ணெய் விட்டு, பொடியாக நறுக்கிய பச்சை மிளகாய், வெங்காயம், தக்காளி, கேரட் சேர்த்து வதக்கவும். கேரட் வெந்ததும் அதனுடன் மசித்த உருளைக்கிழங்கு, வேக வைத்த பச்சைப் பட்டாணி கலந்து கரம் மசாலாத்தூள், மிளகாய்த்தூள், ஊற வைத்த ஓட்ஸ், உப்பு கலந்து சுருள வதக்கவும். கொத்தமல்லி, புதினா கலந்து இறக்கவும். டோஸ்டு செய்த ப்ரெட் ஸ்லைஸ் நடுவே இந்தக் கலவையை வைத்துப் பரிமாறவும். இதற்கு தொட்டுக் கொள்ள தக்காளி சாஸ் நன்றாக இருக்கும்

அத்திப்பழ பாயசம்

தேவையானவை: 
பால் - ஒரு லிட்டர், 
சர்க்கரை - ஒரு கப், 
தேன் - கால் கப், 
பொடியாக நறுக்கிய அத்திப்பழம் - அரை கப், 
பொடியாக நறுக்கிய பாதாம்பருப்பு - கால் கப், 
ஏலக்காய்தூள் - கால் டீஸ்பூன், 
ஜாதிக்காய்தூள் - ஒரு சிட்டிகை. 
செய்முறை:
 ஒரு கப் பாலில், பதப்படுத்திய அத்திப்பழமாக இருந்தால், அரை மணி நேரம் ஊறவையுங்கள். அரை கப் கொதிக்கும் தண்ணீரில் பாதாமை 5 நிமிஷம் ஊறவைத்து தோல் நீக்குங்கள். மீதி உள்ள பாலை சர்க்கரை சேர்த்துக் காய்ச்சுங்கள். பாதாமையும் அத்திப்பழத்தையும் (அத்திப்பழம் ஊறவைத்த பாலுடன் சேர்த்து) மிக்ஸியில் அரைத்தெடுங்கள். அரைத்த கலவையை, அடுப்பில் உள்ள பாலுடன் சேர்த்துக் காய்ச்சுங்கள். 10 முதல் 15 நிமிடங்கள் காய்ந்ததும் இறக்கி, சிறிது ஆறியதும், தேன், ஏலக்காய்தூள், ஜாதிக்காய்தூள் சேர்த்துக் கலந்து குளிரவைத்துப் பரிமாறுங்கள். குறிப்பு: ஃப்ரெஷ் அத்திப்பழமாக இருந்தால், பாலுடன் சேர்த்து அப்படியே அரைக்கலாம்.

திடீர் பாயசம்

தேவையானவை: 
கெட்டியான பசும்பால் - ஒரு கப், 
சர்க்கரை - 2 டீஸ்பூன், 
மாஸ்’ பாதாம் பவுடர் - 2 டீஸ்பூன், 
கண்டென்ஸ்டு மில்க் - 2 டேபிள்ஸ்பூன், 
முந்திரி, கிஸ்மிஸ், நெய் - தலா சிறிதளவு, 
குங்குமப்பூ - ஒரு சிட்டிகை. 
செய்முறை: 
பாலில் சர்க்கரையை போட்டு, அது கரைந்ததும் அதோடு பாதாம் பவுடர், கண்டென்ஸ்டு மில்க் இரண்டையும் சேர்த்து நன்கு கொதிக்கவிடுங்கள். கொதித்து ஒன்று சேர்ந்தவுடன் இறக்கிவைத்து முந்திரி, கிஸ்மிஸ், நெய்யில் வறுத்துப் போடுங்கள். குங்குமப்பூவை மேலே தூவுங்கள். திடீரென விருந்தினர் வந்துவிட்டால் பதட்டப்படாமல் செய்து அசத்தக்கூடிய ‘அவசர பாயசம்’ இது

ஆப்பிள் பாயசம்

தேவையானவை:
பால் - 4 கப், 
சர்க்கரை - ஒரு கப், 
இனிப்பு இல்லாத கோவா - கால் கப் (இனிப்பு உள்ள பால்கோவா என்றாலும் பரவாயில்லை), 
ஆப்பிள் - ஒன்றரை பழம், 
பச்சை நிற ஃபுட் கலர் (விருப்பப்பட்டால்) - ஒரு சிட்டிகை, 
நெய் - 2 டேபிள்ஸ்பூன், 
கண்டென்ஸ்டு மில்க் (விருப்பப்பட்டால்) - கால் கப், 
வெனிலா எஸன்ஸ் - ஒரு சொட்டு. 
செய்முறை: 
ஆப்பிளை தோல் சீவி, விதை நீக்கி பொடியாக நறுக்குங்கள். நெய் சேர்த்து ஆப்பிள் துண்டுகளை லேசாக வதக்குங்கள். கோவாவை உதிர்த்துக்கொள்ளுங்-கள். பாலை நன்கு காய்ச்சி, அதனுடன் உதிர்த்த கோவா, கண்டென்ஸ்டு மில்க் சேர்த்து அடுப்பில் வைத்து கொதிக்கவிடுங்-கள். ஃபுட் கலரையும், வதக்கிய ஆப்பிள் துண்டுகளை சேர்த்து, முக்கால் பாகமாக ஆகும் வரை நன்கு கொதிக்கவிட்டு இறக்குங்கள். சற்று ஆறியதும், வெனிலா எஸன்ஸ் சேர்த்துக் கலக்கிப் பரிமாறுங்கள். வெகு சுவையாக இருக்கும் இந்தப் பாயசம். 

மசாலா ஆம்லெட்

தேவையான பொருட்கள் 
முட்டை - 4 
வெங்காயம் - 100 கிராம்
 தக்காளி - 100 கிராம் 
பச்சை மிளகாய் - 4 
மஞ்சள்தூள் - 1/4 டீஸ்பூன் 
மிளகுத்தூள் - 1/2 டீஸ்பூன் 
எண்ணை - 1/4 குழிக்கரண்டி 
மிளகாய்த்தூள் - 1/2 டீஸ்பூன் 
உப்பு - தேவையான அளவு 
செய்முறை 
* வெங்காயம், தக்காளி, மிளகாய் ஆகியவற்றை பொடியாக நறுக்கி கொள்ளவும். 
* முட்டையை உடைத்து ஒரு பாத்திரத்தில் ஊற்றி நன்கு நுரை வரும்படி அடித்துக் கொள்ளவும். 
* இத்துடன் நறுக்கிய வெங்காயம், தக்காளி, மிளகாய் சேர்த்து கலக்கவும். 
* தேவைக்கேற்ப உப்பு, மிளகுத்தூள், மஞ்சள்தூள், மிளகாய்த்தூள் சேர்த்து தோசைக்கல்லில் ஊற்றி சிறிதளவு எண்ணை விடவும். 
* ஒரு பக்கம் வெந்ததும் திருப்பிப் போட்டு மடித்து எடுக்கவும்.

பச்சைப் பட்டாணி பாயசம்

 தேவையானவை: 
பால் - 4, 
ஃப்ரெஷ் பச்சைப் பட்டாணி - ஒரு கப், 
நெய் - 4 டேபிள்ஸ்பூன், 
சர்க்கரை - ஒரு கப், 
பால்கோவா - கால் கப், 
பச்சை நிற ஃபுட் கலர் - சிறிதளவு, 
பாதாம்பருப்பு (மெல்லியதாக சீவி நெய்யில் வறுத்தது) - ஒரு டேபிள்ஸ்பூன், 
ஏலக்காய்தூள் - சிறிதளவு. 
செய்முறை: 
பாலில் சர்க்கரை சேர்த்து, அது முக்கால் பாகமாக (அதாவது 3 கப் அளவுக்கு) ஆகும் வரை காய்ச்சுங்கள். கோவாவை உதிர்த்து, அதில் சேருங்கள். மற்றொரு பாத்திரத்தில் பட்டாணியை (உப்பு சேர்க்காமல்) வேகவையுங்கள். வெந்ததும் தண்ணீரை வடித்துவிட்டு, பட்டாணியை மிக்ஸியில் போட்டு விழுதாக அரைத்தெடுங்கள். அரைத்த விழுதை நெய் சேர்த்து, அடுப்பில் வைத்து, சிறுதீயில் நன்கு வதக்குங்கள். பச்சை வாசனை போனதும் இதை பாலுடன் சேருங்கள். அத்துடன் பாதாம், ஏலக்காய்தூள், பச்சை கலர் சேர்த்து மேலும் 5 நிமிடம் கொதிக்கவைத்து இறக்கி ஆறவிட்டு, குளிரவைத்துப் பரிமாறுங்கள்.

சப்போட்டா பாயசம்

 தேவையானவை: 
சப்போட்டா பழம் - 2,
 பால் - 4 கப், 
சர்க்கரை - அரை கப், 
கண்டென்ஸ்டு மில்க் - கால் கப், 
முந்திரிப்பருப்பு, 
நெய் - சிறிதளவு, 
ஏலக்காய் தூள் - சிறிது, 
குங்குமப்பூ - ஒரு சிட்டிகை. 
செய்முறை: 
பாலில் சர்க்கரையைப் போட்டு நன்கு கொதிக்கவைத்து, பிறகு அதனுடன் கண்டென்ஸ்டு மில்க் சேர்த்து நன்கு கொதித்தவுடன் இறக்குங்கள். பிறகு பழத்தை நன்கு கழுவி தோல், விதை நீக்கி மிக்ஸியில் நன்கு அடித்து, இறக்கி வைத்திருக்கும் பாலுடன் இதை சேர்த்து நன்கு கலந்துகொள்ளுங்கள். பழத்தை போடும்முன் முந்திரி வறுத்துப்போட்டு, குங்குமப்பூவும் போடுங்கள். இதைக் குளிரவைத்துப் பரிமாறினால் சுவை அபாரமாக இருக்கும். குறிப்பு: எல்லா சப்போட்டாவையும் அரைப்பதற்குப் பதில், பாதியை பொடியாக நறுக்கியும் போடலாம்.