முடக்கற்றான் சூப்

 

தேவையான பொருட்கள்

முடக்கத்தான் கீரை - 1 கப் 

துவரம் பருப்பு - 2 டீஸ்பூன் 

மிளகு - 1 டீஸ்பூன் 

சீரகம் - 2 டீஸ்பூன் 

எண்ணெய் - 1 டீஸ்பூன் 

கடுகு - 1 டீஸ்பூன் 

மிளகாய் வற்றல் - 3 

புளி - எலுமிச்சை அளவு 

பெருங்காயம் - சிறிதளவு 

பூண்டு - 1 

உப்பு - தேவையான அளவு 

செய்முறை 

கீரையை நன்கு கழுவி, ஆய்ந்து தேவையான தண்ணீர் ஊற்றி நன்றாக வேக வைக்கவும். துவரம் பருப்பு, மிளகு, சீரகம், காய்ந்த மிளகாய், பூண்டு ஆகியவற்றை நன்கு அரைத்து வைத்துக் கொள்ளவும். நான்கு டம்ளர் தண்ணீரில் உப்பு, புளியைக் கரைத்து கீரையில் விடவும். அரைத்து வைத்த விழுதையும் கீரையில் போட்டு நன்கு கொதிக்க வைக்கவும். பின்பு இதனை இறக்கி வைத்து கடுகு பெருங்காயம் ஆகியவற்றை தாளித்துச் சேர்க்கவும்.

 சூடாகப் பரிமாறவும்

முடக்கற்றான் இதன் பெயருக்கேற்ப முடக்குவாத நோய்களை தீர்க்க வல்லது. சிறுநீரை பெருக்கும். மூட்டு சம்பந்தப்பட்ட பாதிப்புகளை நீக்கும். பசியை தூண்டும். உடலை உரமாக்கும் குணம் கொண்டது.

சுக்கு குழம்பு

தேவையான பொருட்கள்
 சுக்கு - 1 அங்குலத்துண்டு
சின்ன வெங்காயம் -15
தக்காளி - 1
கறிவேப்பில்லை -சிறிது
புளி - 1 எலுமிச்சை பழ அளவு
தேங்காய்த்துறுவல் - 1/4 கப்
கலந்த மிளகாய்த்தூள் - 11/2 டேபிள்ஸ்பூன்
உப்பு+எண்ணெய் = தேவைக்கு
வடகம் - 1 டேபிள்ஸ்பூன்
பூண்டுபல் - 10
செய்முறை: 
 *வெங்காயம்+பூண்டு+ அனைத்தையும் பொடியாக கட் செய்யவும்.சுக்கை நசுக்கிக் கொள்ளவும். *புளியை ஒரு கோப்பையளவு கரைத்து உப்பு+தக்காளி+மிளகாய்த்தூள் கலந்து வைக்கவும். *ஒரு பாத்திரத்தில் எண்ணெய் ஊற்றி சுக்கை வறுத்து தனியாக வைக்கவும். *வறுத்த சுக்கு+தேங்காய் சேர்த்து மைய அரைக்கவும். *பின் வடகம்+கறிவேப்பில்லை போட்டு தாளித்து வெங்காயம்+பூண்டு சேர்த்து வதக்கவும். *வதங்கிய பின் புளிக்கரைசலை ஊற்றி கொதிக்கவிடவும். *நன்கு கொதித்த பிறகு தேங்காய் விழுது சேர்த்து 5 நிமிடம் கழித்து இறக்கவும்.
 இந்த குழம்பு மறுநாள் சாப்பிட சூப்பரா இருக்கும்.

ராகி வெஜ் அடை

 தேவையானவை:
 ராகி மாவு - ஒரு கப்,
 மாவாக்கிய கோதுமை ரவை (அ) கோதுமை மாவு - ஒரு கப், 
பச்சரிசி மாவு (விருப்பப்பட்டால்) - கால் கப்,
காய்கறி கலவை - ஒரு கப் (துருவிய கேரட், 
வெங்காயம், கோஸ், முள்ளங்கி), சீரகத்தூள் - ஒரு டீஸ்பூன், 
மிளகுத்தூள் - அரை டீஸ்பூன், 
நறுக்கிய இஞ்சி, கறிவேப்பிலை - சிறிதளவு. 
செய்முறை: 
எல்லா பொருட் களையும் ஒன்று சேர்த்து வெது வெதுப்பான தண்ணீர் ஊற்றி பிசைந்து வைக்கவும். அரை மணி நேரம் கழித்து வாழை இலை (அ) பாலித்தீன் ஷீட்டில் எண்ணெய் தடவி கனமான அடைகளாகத் தட்டி தோசைக் கல்லில் சுட்டு எடுக்கவும். 

பகோடா குழம்பு

தேவையானவை:
 புளிகரைசல் - 1 1/2 கப்
சாம்பார் பொடி - 1 டேபிள்ஸ்பூன்
சாம்பார் வெங்காயம் - 10
பூண்டுப்பல் - 5
வடகம் - 1/2 டேபிள்ஸ்பூன்
உப்பு+நல்லெண்ணெய் = தேவைக்கு
 பகோடாவுக்கு: 
கடலைப்பருப்பு - 1/2 கப்
காய்ந்த மிளகாய் - 2
பொடியாக நறுக்கிய வெங்காயம் - 1
பொடியாக நறுக்கிய கொத்தமல்லிதழை - சிறிதளவு
சோம்பு - 1 டீஸ்பூன்
 எண்ணெய் - பொரிக்க 　
செய்முறை:
 *கடலைப்பருப்பை 1/2 மணிநேரம் ஊறவைத்து நீரை வடிகட்டி சோம்பு+உப்பு+காய்ந்த மிளகாய் சேர்த்து கொரகொரப்பாக நீர் விடாமல் அரைக்கவும். *அதனுடன் வெங்காயம்+கொத்தமல்லித்தழை சேர்த்து பகோடாகளாக பொரித்தெடுக்கவும். *பாத்திரத்தில் நல்லெண்ணெய் விட்டு வடகத்தைப் போட்டு தாளித்து வெங்காயம்+பூண்டுப்பல்+சாம்பார் பொடி+உப்பு சேர்த்து வதக்கி புளிகரைசலை ஊற்றி கொதிக்கவிடவும். *குழம்பு நன்கு கொதித்ததும் பகோடாகளை போட்டு 5 நிமிடம் கழித்து இறக்கவும். : கடலைமாவிலும் பகோடாவை செய்து போடலாம்.

மில்க் அல்வா

 தேவையானவை: 
பால் - 4 கப்,
சர்க்கரை - 2 கப்,
நெய் - 1 கப்,
ரவை - அரை கப், சீ
விய பாதாம் - 1 டேபிள் ஸ்பூன்,
மஞ்சள் கலர் - ஒரு சிட்டிகை.
 செய்முறை: 
சிறிய கடாயில் ஒரு டீஸ்பூன் நெய் ஊற்றி, சீவிய பாதாமை லேசாக வறுத்து வைத்துக்கொள்ளுங்கள். பிறகு, மேலே சொல்லியிருக்கும் மற்ற பொருள்களை எல்லாம் ஒன்றாகக் கலந்து, அடி கனமான பாத்திரம் ஒன்றில் சேர்த்து, அடுப்பில் வைத்துக் கிளறுங்கள். இந்தக் கலவை சற்று சேர்ந்து வரும்போது, நெய் பிரியும். அப்போது தீயைக் குறைத்து, கலவை நன்கு சுருண்டு வரும்வரை விடாமல் கிளறி... கடைசியில், வறுத்து வைத்திருக்கும் பாதாமை சேர்த்துக் கிளறி இறக்குங்கள். இதைத் தட்டில் பரப்பி, வில்லை களாகவும் போடலாம். ஸ்பூனில் எடுத்தும் பரிமாறலாம். குறிப்பு: ஒரு கப் அளவு என்பது 200மிலி அல்லது 200 கிராம் அளவைக் குறிக்கும்.

பாஸந்தி

  தேவையானவை: 
பால் - 2 லிட்டர்,
சர்க்கரை - முக்கால் கப்,
சீவிய பாதாம், பிஸ்தா - தலா 1 டேபிள் ஸ்பூன்,
ஏலக்காய்த்தூள் - அரை டீஸ்பூன்,
கார்ன்ஃபிளார் மாவு - 1 டேபிள் ஸ்பூன்.
செய்முறை: 
வாயகன்ற, கனமான பாத்திரத்தில் பாலை ஊற்றி, மிதமான தீயில் கொதிக்கவிடுங்கள். அடிக்கடி கிளறவேண்டாம் (அப்போதுதான் ஆடை படியும்). மேலே படியும் ஆடையை, ஒரு சிறிய பாத்திரத்தில் எடுத்துப் போட்டு, சேகரித்துக்கொண்டே வாருங்கள். பாலில் முக்கால் பாகம் வற்றி, கால் பங்குக்கு வந்ததும் சர்க்கரையைச் சேருங்கள். அத்துடன், கால் கப் தண்ணீரில் கரைத்த கார்ன்ஃபிளாரையும் சேர்த்து இரண்டு நிமிடம் கொதிக்கவிடுங்கள். பின்னர், சேகரித்து வைத்துள்ள ஆடையை அத்துடன் சேர்த்து, ஐந்து நிமிடம் கொதிக்கவிட்டு இறக்குங்கள். சீவிய பாதாம், பிஸ்தா, ஏலக்காய்த் தூள் ஆகியவற்றை அதில் கலந்து, ஆறவிட்டு, நன்கு குளிரவைத்துப் பரிமாறுங்கள்.

டிரைஃப்ரூட்ஸ் அப்பம்

தேவையானவை:
 முந்திரி, பாதாம், பிஸ்தா அரைத்த விழுது - அரை கப், மைதா மாவு - அரை கப், கோதுமை மாவு - அரை கப், பேரீச்சம்பழம் - 4, ஏலக்காய் - 4, பொடித்த வெல்லம் - அரை கப், தேங்காய் துருவல் - ஒரு டேபிள்ஸ்பூன், எண்ணெய் அல்லது நெய் - தேவையான அளவு. செய்முறை: 
பேரீச்சம்பழத்தை சிறு துண்டுகளாக நறுக்கவும். ஒரு கிண்ணத்தில் முந்திரி, பாதாம், பிஸ்தா ஆகியவற்றை அரைத்த விழுது, மைதா மாவு, கோதுமை மாவு, ஏலக்காய் பொடி, பேரீச்சை துண்டுகள், தேங்காய்துருவல் ஆகிய எல்லாவற்றையும் சேர்க்கவும். வெல்லத்தூளில் சிறிது நீர் விட்டு, கரைத்து வடிகட்டிக் கொதிக்க வைக்கவும். அந்த வெல்லத் தண்ணீரையும் மேற்சொன்ன கலவையில் சேர்த்து கெட்டியாகக் கரைத்து, அப்பங்களாக வார்த்து எடுக்கவும். மெத்தென்றிருக்கும் ருசியான ஸ்வீட் அப்பம் இது. டிரைஃப்ரூட்ஸ் அப்பம்: அத்திப்பழம், அக்ரூட், உலர் திராட்சை போன்ற டிரைஃப்ரூட்ஸ் வகைகளையும் சேர்த்துச் செய்யலாம். இன்னும் ‘ரிச்’சாக இருக்கும்.

பாகற்காய் க்ரிஸ்பீஸ்

தேவையானவை: 
பாகற்காய் - 4,
புளி - நெல்லிக்காய் அளவு,
உப்பு தேவையான அளவு, மிளகாய்தூள் - ஒரு டேபிள்ஸ்பூன், மஞ்சள்தூள் - அரை டீஸ்பூன், அரிசிமாவு - கால் கப், கடலைமாவு - கால் கப், எண்ணெய் - பொரிக்க தேவையான அளவு, பெருங்காயத்தூள் - கால் டீஸ்பூன். செய்முறை:
 பாகற்காயை மெல்லிய வில்லைகளாக நறுக்கவும். புளியை அரை கப் தண்ணீரில் கரைத்து, அத்தண்ணீரில் உப்பு சேர்த்து பாகற்காய்களை புளித்தண்ணீரில் ஊற வைக்கவும். அரை மணி நேரம் ஊறிய பின்னர் அந்த பாகற்காய் வில்லைகளை ஒரு கிண்ணத்தில் போட்டு, மிளகாய்தூள், மஞ்சள்தூள், உப்பு, அரிசிமாவு, கடலைமாவு, பெருங்காயத்தூள் இவைகளை சேர்த்து நன்றாக பிசறவும். வாணலியில் எண்ணெயை காயவைத்து சிவக்க பொரித்தெடுக்கவும். கசப்பில்லாத பாகற்காய் க்ரிஸ்பீஸ் ரெடி.
 கரேலா க்ரிஸ்பீஸ்: இந்த முறையில் செய்தால் பாகற் காயின் கசப்பே தெரியாது. கடலைமாவுக்கு பதில் பொட்டுக்கடலை மாவு சேர்த்தும் செய்யலாம்

நவரத்தின காய்கனி சாலட்

 தேவையான பொருட்கள்
 கேரட் - 1
வெங்காயம் - 1 த
க்காளி - 1
வெள்ளரிப் பிஞ்சு - 1
எலுமிச்சம் பழம் - 1
பப்பாளி - 8 துண்டுகள்
ஆப்பிள் - 8 துண்டுகள்
வாழைப்பழம் - 8 துண்டுகள்
மாதுளை முத்துக்கள் - 1 டீஸ்பூன்
வெள்ளைச் சென்னா, கடலை, காராமணி (ஊறவைத்து வேக வைத்தது) - 4 டேபிள் ஸ்பூன்
முளைகட்டிய பச்சைப்பயறு - 4 டேபிள் ஸ்பூன்
உப்பு - 1 டீஸ்பூன்
கறுப்பு மிளகுத் தூள் - 1/4 டீஸ்பூன்
சாட் மசாலாத் தூள் - 1/2 டீஸ்பூன்
செய்முறை 
* வெங்காயம், தக்காளி, வெள்ளரிப் பிஞ்சை பொடிப்பொடியாக நறுக்கவும். * கேரட்டை துருவிக் கொள்ளவும். * எலுமிச்சம் பழத்தை சாறு பிழிந்து, அதில் அனைத்துப் பழத்துண்டுகள், நறுக்கிய காய்கள், துருவிய கேரட், வேக வைத்த தானியங்கள், முளைவிட்ட பயறு, உப்பு, மிளகுத்தூள், சாட் மசாலாத் தூள் சேர்த்து நன்கு குலுக்கி கலக்கவும். * காய்கனி தானிய சாலட் பரிமாற தயார். குறிப்பு * சாட் மசாலாத் தூள், ரெடியாக சூப்பர் மார்க்கெட்டுகளில் கிடைக்கும். * தானிய வகைகளை ஊறவைத்து பிரஷர் குக்கரில் வேக வைத்து உபயோகிக்கவும். * பயிறைத் தண்ணீரில் 8 மணி நேரம் ஊற வைத்து, ஒரு மெல்லிய துணியில் கட்டித் தொங்கவிட்டு துணி காய்ந்த நேரங்களில் தண்ணீர் தெளித்தால் 20 மணி நேரத்தில் முளைகட்டிவிடும்.

ரங்கோலி சுண்டல்

தேவையானவை: 

பச்சைப் பட்டாணி, முளைகட்டிய சோளம், சோயா - தலா ஒரு கப், கேரட் துருவல் - 4 டீஸ்பூன், மாங்காய் (துருவியது) - 2 டீஸ்பூன், இஞ்சி விழுது - ஒரு டீஸ்பூன், கொத்தமல்லித் தழை - சிறிதளவு, கடுகு, எண்ணெய் - தலா ஒரு டீஸ்பூன், உப்பு - தேவையான அளவு.

செய்முறை:
சோளம், பட்டாணி, சோயா எல்லாவற்றையும் ஒன்று சேர்த்து குக்கரில் வைத்து, தேவையான உப்பு, தண்ணீர் சேர்த்து வேக வைத்து, ஒரு விசில் வந்ததும் இறக்கி, தண்ணீரை வடிக்கவும். வாணலியில் எண்ணெய் விட்டு கடுகு தாளித்து, இஞ்சி விழுது, மாங்காய் துருவல், கேரட் துருவல், வேக வைத்த சோளம், பட்டாணி, சோயா சேர்த்து நன்கு கிளறி இறக்கவும். பிறகு நறுக்கிய கொத்தமல்லியை மேலே தூவினால்... ரங்கோலி சுண்டல் ரெடி

ஃப்ரூட் சுண்டல்

தேவையானவை:  

முளைகட்டிய சோளம், கொய்யாபழத் துண்டுகள், ஆப்பிள் துண்டுகள், பப்பாளிப்பழத் துண்டுகள் - தலா ஒரு கப், உலர் திராட்சை - 10.

செய்முறை:  

முளைகட்டிய சோளத்துடன் நறுக்கிய கொய்யாப்பழத் துண்டுகள், ஆப்பிள் துண்டுகள், பப்பாளி பழத் துண்டுகள் எல்லாவற்றையும் ஒன்றாக சேர்த்து, உலர் திராட்சையையும் சேர்த்துக் கலக்கவும்.

குறிப்பு: சுலபமாக செய்யக்கூடிய இந்த சுண்டலில் ருசியும், சத்தும் ஏராளம்!

பாசிப்பருப்பு கார சுண்டல்

தேவையானவை:  

 பாசிப்பருப்பு - 200 கிராம், 

தேங்காய் துருவல் - 2 டீஸ்பூன், 

கடுகு, எண்ணெய், பெருங்காயத்தூள், கறிவேப்பிலை - சிறிதளவு, 

காய்ந்த மிளகாய் - 2, உப்பு - தேவையான அளவு.

செய்முறை:  

 பாசிப்பருப்பை அரை மணி நேரம் ஊற வைக்கவும். பிறகு குக்கரில் வைத்து, ஒரு விசில் வந்ததும் இறக்கவும். வாணலியில் எண்ணெய் விட்டு கடுகு சேர்த்து, வெடித்ததும் பெருங்காயத்தூள், காய்ந்த மிளகாய், கறிவேப்பிலை தாளித்து, வேக வைத்த பாசிப்பருப்பை தண்ணீர் வடித்து சேர்க்கவும். பிறகு உப்பு, தேங்காய் துருவல் சேர்த்துக் கிளறி இறக்கவும்.

---

சுரைக்காய் அல்வா

  தேவையானவை:
சுரைக்காய் துருவல் - ஒரு கப்,
 பால் - ஒரு கப்,
சர்க்கரை - அரை கப்,
ஏலக்காய்தூள் - அரை டீஸ்பூன்,
நெய் - 3 டேபிள்ஸ்பூன்,
பொரி கடலை மாவு - ஒரு டேபிள் ஸ்பூன்.
செய்முறை: 
முதலில் சுரைக் காயை பால் விட்டு வேகவிடவும். வெந்ததும் சர்க்கரை போட்டு, அது கரைந்ததும் நெய் விட்டுக் கிளறவும். கெட்டியாக வரும்போது பொரிகடலை மாவைப் போட்டு, கிளறவும். நன்றாக கெட்டியானதும், ஏலக்காய்தூளைப் போட்டு கலந்து இறக்கவும். தேவையானால் சில சொட்டுகள் பைன் ஆப்பிள் எசன்ஸ் விட்டுக் கொள்ளலாம். சுரைக்காய் அல்வா: தண்ணீர் சத்து நிறைந்த சௌசௌவிலும் இந்த அல்வா செய்யலாம். துருவிய முந்திரி, பாதாம், சிறிது சிவப்பு கலர் எல்லாம் சேர்த்து செய்தால் இன்னும் நன்றாக இருக்கும். பொரிகடலை மாவு சேர்க்காமலும் செய்யலாம். ஆனால், இன்னும் கூடுதலான நேரம் பிடிக்கும்.

பயறு இனிப்பு சுண்டல்

தேவையானவை:  பச்சைப் பயறு - 200 கிராம், வெல்லம் - 150 கிராம், ஏலக்காய்த்தூள் - சிறிதளவு, தேங்காய் துருவல் - 4 டீஸ்பூன்.

செய்முறை: பச்சைப் பயறை லேசாக வறுத்து, 30 நிமிடம் தண்ணீரில் ஊற வைக்கவும். பிறகு குக்கரில் வைத்து இரண்டு விசில் வந்ததும் இறக்கவும். வெல்லத்தைப் பொடித்து, நீரில் கரைத்து சிறிது கொதிக்க வைத்து, வடிகட்டி, மீண்டும் அடிப்பில் ஏற்றி பாகு காய்ச்சவும். பாகு கெட்டியானதும் வேக வைத்த பயறை தண்ணீர் வடித்து சேர்த்து, ஏலக்காய்த்தூள், தேங்காய் துருவல் போட்டுக் கிளறி இறக்கவும்.

ஸ்டஃப்டு பாலக்

  தேவையானவை: 
 பாலக் (பசலை) கீரை - ஒரு கட்டு (நமக்கு தேவையான கிழியாத பெரிய இலைகளாக எடுத்து கொள்ளவும்), அமெரிக்கன் கார்ன் அல்லது மக்காச்சோளம் - 3, தனியாதூள் - 2 டீஸ்பூன், சீரகத்தூள் - 3 டீஸ்பூன், உப்பு - தேவையான அளவு, எண்ணெய் - தேவையான அளவு, மஞ்சள்தூள் - கால் டீஸ்பூன், பெருங்காயத்தூள் - கால் டீஸ்பூன், டொமேடோ ப்யூரி (தக்காளி சாறு) - அரை கப், மிளகுத்தூள் - கால் டீஸ்பூன், இஞ்சி - ஒரு துண்டு, மிளகாய்தூள் - ஒரு டீஸ்பூன். செய்முறை:
 பாலக் கீரையில் பெரிய இலைகளாக எடுத்து, தண்டை நீக்கிவிட்டு சுத்தம் செய்து, சுடுநீரில் அமிழ்த்தி எடுத்து ஈரமில்லாமல் துடைத்துவைக்கவும். அமெரிக்கன் கார்னை உதிர்த்து வேகவைக்கவும். இஞ்சியை பொடியாக நறுக்கவும். ஒரு கடாயில் எண்ணெய் விட்டு, இஞ்சியைப் போட்டு, பிறகு தனியாதூள், சீரகத்தூள், மிளகாய்தூள், பெருங்காயம், உப்பு, மஞ்சள்தூள் எல்லாவற்றையும் சேர்த்து வதக்கவும். அத்துடன் வேகவைத்த சோளமும் சேர்த்து வதக்கி, டொமேடோ ப்யூரியையும் கலந்து, பொடியாக நறுக்கிய மல்லித்தழையையும் சேர்த்து, கெட்டியானதும் இறக்கி வைக்கவும். இந்தக் கலவை சற்று ஆறியதும், பாலக் இலைகளை ஒவ்வொன்றாக எடுத்து, அதனுள் இந்தக் கலவையை வைத்து ரோல் செய்யவும். பிறகு தோசைக்கல்லில் சிறிதளவு எண்ணெய் விட்டு, சுருட்டி வைத்த 7 அல்லது 8 பாலக் பீஸ்களை வைத்து, பொன்னிறமாக மாறும் வரை திருப்பி புரட்டி எடுக்கவும். ஸ்டப்டு பாலக்: கார்ன்-க்கு பதிலாக ஸ்டஃப் செய்ய உருளைக்கிழங்கு போன்ற வேறு ஏதாவதுகூட வைக்கலாம். பாலக் கீரை இல்லையெனில் கோஸ் இதழ்களை உபயோகிக்கலாம்