பாசிப்பருப்பு தோசை

தேவையானவை:
பாசிப்பருப்பு - ஒரு கப்,
பச்சரிசி - கால் கப்,
பச்சை மிளகாய் - 2,
பொடியாக நறுக்கிய கொத்தமல்லி - சிறிதளவு,
உப்பு, எண்ணெய் - தேவையான அளவு.
செய்முறை:
பாசிப்பருப்பு, பச்சரிசியை தனித்தனியாக 2 மணி நேரம் ஊற விடவும். ஊறிய அரிசியை முதலில் லேசாக அரைத்து, பிறகு பாசிப்பருப்பு, உப்பு, பச்சை மிளகாய் சேர்த்து கரகரப்பாக அரைக்கவும். அடுப்பில் தோசைக் கல்லை போட்டு, காய்ந்ததும் மாவை ஊற்றி, அதன் மேல் நறுக்கிய கொத்தமல்லி தூவி, சுற்றிலும் எண்ணெய் விட்டு தோசைகளாக சுட்டு எடுக்கவும்.

கீரை மசியல்

தேவையானப் பொருள்கள்:

கீரை- 1கட்டு

சின்ன வெங்காயம்-3

தக்காளி-1/2

பச்சை மிளகாய்-1

உப்பு_தேவையான அளவு

தாளிக்க:

கடுகு

உளுந்து

மிளகு-5

சீரகம்-1/4 டீஸ்பூன்

காய்ந்த மிளகாய்-2

பூண்டு-5 பற்கள்

பெருங்காயம்-சிறிது

நல்லெண்ணெய்-2 டீஸ்பூன்

செய்முறை:

கீரையைக் கழுவி நீரை வடிய வைத்து நறுக்கி வைக்கவும்.ஒரு வாணலியில் சிறிது எண்ணெய் விட்டு வெங்காயம்,பச்சை மிளகாய் வதக்கவும்.அடுத்து தக்காளி சேர்த்து வதக்கவும்.பிறகு கீரை சேர்த்து வதக்கவும.மூட வேண்டாம். சிறிது நேரத்திலேயே வதங்கிவிடும்.இது ஆறியதும் மிக்ஸியில் போட்டு ஒரு சுற்று சுற்றி வைக்கவும்.

மீண்டும் ஒரு வாணலியில் எண்ணெய் ஊற்றி தாளிக்கக் கொடுத்துள்ளப் பொருள்களை ஒன்றன் பின் ஒன்றாகத் தாளித்து மிக்ஸியில் உள்ள கீரையில் கொட்டி சிறிது கரகரப்பாக அரைத்துக்கொள்ளவும்.தேவையான உப்பு சேர்த்து ஒரு கிண்ண‌த்தில் எடுத்து வைக்கவும்.தண்ணீர் எதுவும் சேர்க்கத் தேவை இல்லை.இது சாதத்துடன் மிகவும் நன்றாக இருக்கும்.

கீரை சாதம் தயார் செய்வதாக இருந்தால் 2 கப் அரிசியை வேக வைத்து சாதத்தை வடித்து ஆற வைக்கவும்.ஒரு வாணலியில் சிறிது நல்லெண்ணெய் விட்டு சூடுபடுத்தி பெருங்காயம் தாளித்து கீரை மசியலை அதில் கொட்டி அடுப்பை அணைத்து விடவும்.அதே சூட்டிலேயே சாதத்தைக் கொட்டிக் கிளறி உப்பு சரி பார்க்கவும்.இதற்கு வறுவல், பொரியல், வற்றல் எல்லாமே நன்றாக இருக்கும்.

மணத்தக்காளி இலை பொரித்த குழம்பு

தேவையான பொருள்கள்:

நன்கு ஆய்ந்து நறுக்கிய மணத்தக்காளி இலை - 1 கப்

துவரம்பருப்பு  - 50 கிராம்

கடுகு        - 1 டீஸ் பூன்

உளுத்தம் பருப்பு - 2 டீஸ்பூன்

எண்ணெய்  -  4 டீஸ்பூன்

மிளகு      - 1 டீஸ்பூன்

பெருங்காயம் - 1 சிறுதுண்டு

துருவிய தேங்காய் - 2 டீஸ்பூன்

மஞ்சள் தூள்     -  1 சிட்டிகை

உப்பு       - தேவைக்கேற்ப

செய்முறை:

துவரம் பருப்பையும், மணத்தக்காளி கீரையையும் நன்றாகக்கழுவி  குக்கரில் அளவாக தண்ணீர் வைத்து மஞ்சள் தூள் சேர்த்து  மூன்று விசில் சத்தம் வரும் வரை வைத்து வேகவைக்கவும்.  இரண்டு ஸ்பூன் எண்ணையை வாணலியில் விட்டு சூடு படுத்தி அதில் மிளகு, ஒரு டீஸ் பூன் உளுத்தம் பருப்பு பெருங்காயம் போட்டு சிவக்க வறுத்து, கடைசியில் துருவிய தேங்காயையும் போட்டு ஒருமுறை பிரட்டி எடுக்கவேண்டும். வறுத்த சாமான்களை மிக்சியில் நன்றாக அரைத்து வேக வைத்துள்ள பருப்பு கீரை கலவையில் கொட்டி கொதிக்க விடவேண்டும். தேவைக்கேற்ப உப்பு போடவேண்டும், எல்லாம் சேர்ந்து நன்றாக கொதித்து வரும்பொழுது 1 டீஸ்பூன் அரிசிமாவை 4 ஸ்பூன் தணிணீர்விட்டு கரைத்து கொதிக்கும் குழம்பில் விடவேண்டும். எல்லாம் ஒன்று சேர்ந்து குழம்பு பதத்திற்கு வந்ததும் இறக்கி வைத்து கடுகு உளுத்தம் பருப்பை தாளித்துக்  கொட்டவேண்டும். சூடான சாதத்தில் நெய்விட்டு மணத்தக்காளி கீரை பொரித்த குழம்பை பிசைந்து சாப்பிடவேண்டும்.மணத்தக்காளி குழம்பு வாரம் ஒருமுறை சாப்பிடலாம்.

முருங்கைக்கீரை சாம்பார்

தேவையானப் பொருள்கள்:
துவரம்பருப்பு-1/4 கப்
முருங்கைக்கீரை-ஒரு கிண்ணம்
சின்ன வெங்காயம்-5
தக்காளி-பாதி
பச்சைமிளகாய்-1
பூண்டுப்பல்-2
மஞ்சள்தூள்-சிறிது
மிளகாய்த்தூள்-ஒன்றரை டீஸ்பூன்
தேங்காய்ப்பூ-ஒரு டீஸ்பூன்
உப்பு-தேவைக்கு
தாளிக்க:
நல்லெண்ணெய்
கடுகு
உளுந்து
சீரகம்
பெருஞ்சீரகம்-சிறிது
காய்ந்தமிளகாய்-1
பெருங்காயம்
கறிவேப்பிலை
செய்முறை:
ஒரு குக்கரில்(அ)பாத்திரத்தில் பருப்பை எடுத்துக்கொண்டு நன்றாகக் கழுவிவிட்டு ,பருப்பு மூழ்கும் அளவு தண்ணீர் விட்டு,அதில் 2 சொட்டு விளக்கெண்ணெய்,சிறிது மஞ்சள் தூள்,பெருங்காயம் சேர்த்து குழைய வேக வைக்கவும்.
கீரையை சுத்தம் செய்து நீரில் அலசி நீரை வடிய வைக்கவும்.
வெங்காயம்,தக்காளி,பச்சைமிளகாய் இவற்றை நறுக்கி வைக்கவும்.
குழம்பு வைக்கும் பாத்திரத்தை அடுப்பில் ஏற்றி எண்ணெய் விட்டு சூடாகியதும் தாளிக்கக் கொடுத்துள்ளப் பொருள்களைத் தாளித்துவிட்டு வெங்காயம்,பூண்டு,தக்காளி இவற்றை அடுத்தடுத்து சேர்த்து வதக்கவும்.
வதங்கியதும் மிளகாய்த்தூள்,மஞ்சள்தூள்,உப்பு சேர்த்து ஒரு கிளறு கிளறி பருப்பைக் கடைந்து ஊற்றவும்.
தேவையான தண்ணீர் ஊற்றி கொதிக்க வைக்கவும்.கொஞ்சம் அதிகமாகவே ஊற்றிக்கொள்ளலாம்.
நன்றாகக் கொதித்த பிறகு கீரையைப் போட்டு(மூடி போட வேண்டாம்)ஒரு கொதி வந்ததும் தேங்காய்ப் பூ சேர்த்து இறக்கவும்.
இப்போது முருங்கைக்கீரை சாம்பார் தயார்.
இதனை சாதத்தில் ரசம் மாதிரி நிறைய சேர்த்து சாப்பிட சுவையாக இருக்கும்.

முடக்கத்தான் இலை சூப்

தேவையான பொருட்கள் :
முடக்கத்தான் இலை - 1 கட்டு
வெங்காயம் - 1
தக்காளி - 1
கேரட் - 1
பீன்ஸ் - 5
கொத்தமல்லி, புதினா, கறிவேப்பிலை - சிறிதளவு
இஞ்சி, பூண்டு விழுது - அரை ஸ்பூன்
மிளகுத்தூள் - அரை ஸ்பூன் 
சீரகத்தூள் - அரை ஸ்பூன்
சோள மாவு - 1 ஸ்பூன்
உப்பு - தேவையான அளவு
ப.மிளகாய் - 2
செய்முறை :
வெங்காயம், தக்காளி, கொத்தமல்லி, கேரட், பீன்ஸ், ப.மிளகாய், புதினாவை பொடியாக நறுக்கிக் கொள்ளவும்.முடக்கத்தான் இலை நன்றாக நறுக்கி தண்ணீர் விட்டு வேகவிடவும். இதில் வெங்காயம், தக்காளி, கேரட், பீன்ஸ், கொத்தமல்லித் தழை, கறிவேப்பிலை, புதினா, பூண்டு, இஞ்சி விழுது சேர்த்து, மிளகுத்தூள், சீரகத்தூள் கலந்து கொதிக்கவிட்டு மசிக்கவும்.  கடைசியாக இரண்டு டீஸ்பூன் சோள மாவு சேர்த்து இறக்கவும்..  48 நாட்கள் தொடர்ந்து இந்த சூப்பை குடித்து வந்தால், சர்க்கரை நோய், வாதம், வாயுத் தொல்லை, வயிற்றுப் புண், முடக்குவாதம், மூட்டுவலி, பக்கவாதம் குணமடையும்.

மிளகு - கோதுமை தோசை

தேவையான பொருட்கள்: 
கோதுமை மாவு - 2 கப்
அரிசி மாவு - 1/2 கப்
மிளகு - 1 டீஸ்பூன்
சீரகம் - 1 டீஸ்பூன்
வெங்காயம் - 1
பச்சை மிளகாய் - 1
கறிவேப்பிலை - சிறிது
கொத்தமல்லி - சிறிது
உப்பு - தேவையான அளவு
எண்ணெய் - தேவையான அளவு
செய்முறை:

 வெங்காயம், ப.மிளகாய், கொத்தமல்லியை பொடியாக நறுக்கிக் கொள்ளவும். மிளகை ஒன்றும் பாதியாக உடைத்துக்கொள்ளவும். ஒரு பாத்திரத்தில் கோதுமை மாவு, அரிசி மாவு, சீரகம், பொடி செய்த மிளகு, கறிவேப்பிலை, கொத்தமல்லி, வெங்காயம், பச்சை மிளகாய் மற்றும் தேவையான அளவு உப்பு சேர்த்து, தண்ணீர் ஊற்றி தோசை மாவு பதத்திற்கு கலந்து கொள்ள வேண்டும். தோசைக்கல்லை அடுப்பில் வைத்து காய்ந்ததும், கலந்து வைத்துள்ள மாவை ஊற்றி தோசைகளாக ஊற்றி எடுக்க வேண்டும்.
இப்போது  மிளகு - கோதுமை தோசை தயார் .

எள்ளு லட்டு

தேவையான பொருட்கள்: 

வெள்ளை எள்ளு - 1 கப் 

வெல்லம் - 1 கப் 

நெய் - 3 டேபிள் ஸ்பூன்

 ஏலக்காய் - 2 (பொடி செய்தது) 

தண்ணீர் - 1/2 கப் 

செய்முறை: 

முதலில் ஒரு வாணலியை அடுப்பில் வைத்து, அதில் எள்ளை போட்டு தீயை குறைவில் வைத்து, பொன்னிறமாக வறுத்து, ஒரு தட்டில் போட்டு குளிர வைக்க வேண்டும். பின்னர் ஒரு பாத்திரத்தில் தண்ணீர் ஊற்றி, வெல்லத்தைப் போட்டு, வெல்லப் பாகுவை ரெடி செய்ய வேண்டும். பாகு நன்கு கெட்டியாகும் போது, அதில் வறுத்து வைத்துள்ள எள்ளு, ஏலக்காய் பொடி சேர்த்து கிளறி, நெய்யை சேர்த்து கிளறி, இறக்கி வைக்க வேண்டும். இறுதியில் கலவையானது ஓரளவு சூடாக இருக்கும் போதே, அதனை லட்டுகளாக பிடிக்க வேண்டும். 

குறிப்பாக லட்டு பிடிக்கும் போது, கையில் லேசாக தண்ணீரால் நனைத்துக் கொள்ள வேண்டும். பிறகு இதனை காற்றுப் புகாத ஒரு டப்பாவில் போட்டு வைத்தால், லட்டானது 10-15 நாட்கள் நன்றாக இருக்கும்.

தினை தக்காளி தோசை

 தேவையான பொருட்கள்:

 தோசை மாவு - 1 கப் 

சோளம் - 1 கப் 

தினை - 1 கப் 

தக்காளி - 2 (நறுக்கியது)

 உப்பு - தேவையான அளவு

 கொத்தமல்லி - சிறிது (நறுக்கியது) 

செய்முறை: 

முதலில் சோளம் மற்றும் தினையை நீரில் 1/2 மணிநேரம் ஊற வைத்துக் கொள்ள வேண்டும். பின்னர் அதனை நன்கு அரைத்துக் கொண்டு, தோசை மாவுடன் சேர்த்து உப்பு போட்டு கலந்து, 8 மணிநேரம் ஊற வைத்து புளிக்க விட வேண்டும்.  பின்பு அதில் தக்காளி மற்றும் கொத்தமல்லியை சேர்த்து கலந்து, தோசைகளாக ஊற்றி எடுத்தால், சுவையான தினை தக்காளி தோசை ரெடி.

பொட்டுக்கடலை வடை

தேவையான பொருட்கள்: 

 பொட்டுக்கடலை - 1/2 கப் 

கடலை மாவு - 2 டேபிள் ஸ்பூன் 

கசகசா - 1 டீஸ்பூன் 

சோம்பு - 1 டீஸ்பூன் 

முந்திரி - சிறிது

 வெங்காயம் - 1 (நறுக்கியது)

 பச்சை மிளகாய் - 2 (நறுக்கியது)

 கொத்தமல்லி - 2 டேபிள் ஸ்பூன் (நறுக்கியது)

 தேங்காய் - 2 டேபிள் ஸ்பூன் (துருவியது) 

உப்பு - தேவையான அளவு 

எண்ணெய் - தேவையான அளவு 

செய்முறை: 

முதலில் மிக்ஸியில் பொட்டுக்கடலை, முந்திரி, கசகசா, சோம்பு போட்டு, நன்கு நைஸாக அரைத்து, பொடி செய்து கொள்ள வேண்டும். பின்னர் அதனை ஒரு பாத்திரத்தில் போட்டு, அதில் கடலை மாவு, நறுக்கிய வெங்காயம், பச்சை மிளகாய், கொத்தமல்லி, துருவிய தேங்காய் மற்றும் உப்பு சேர்த்து, தண்ணீர் ஊற்றி ஓரளவு கெட்டியாக பிசைந்துக் கொள்ள வேண்டும். பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் விட்டு, சூடேற்ற வேண்டும். எண்ணெய் சூடேறியதும், அதில் பிசைந்து வைத்துள்ள மாவுக் கலவையை எலுமிச்சை பழ அளவில் எடுத்து, லேசாக தட்டி, எண்ணெயில் போட்டு, பொன்னிறமாக பொரித்து எடுக்க வேண்டும். இதேப் போல் அனைத்து மாவையும் பொரித்து எடுக்க வேண்டும். இப்போது சுவையான பொட்டுக்கடலை வடை ரெடி.இதனை தக்காளி சாஸ் உடன் சாப்பிட்டால், அருமையாக இருக்கும்.

பாசிபயறு அல்வா

தேவையான பொருட்கள்:
பாசி பருப்பு-1 கப்
நெய்-1/2 கப்
சர்க்கரை-1 கப் வேண்டும்
பால்- 1/2 கப்
முந்திரி -/ அழகுபடுத்த ( நெய்யில் வறுத்தது )
ஏலக்காய் தூள்- 1/2 தேக்கரண்டி
குங்குமப்பூ
செய்முறை:
பாசிபயறு இரவு முழுவதும் ஊற வைக்கவும் .
பிறகு தண்ணிரை வடித்து நன்றாக அரைத்துகொள்ளவும் .
ஒரு அடி கனமான கடாயில் நெய் விட்டு முந்திரி திராச்சையை வருத்துகொள்ளவும்.
பிறகு மேலும் நெய் சேர்த்து அரைத்த விழுதை சேர்க்கவும் நன்றாக வதக்கவும்
கொஞ்சம் கொஞ்சமாக நெய் சேர்த்து கட்டி படாமல் கிளறவும் .
பிறகு பால் ,சர்க்கரை சேர்த்து கை விடாமல் வேகவைக்கவும் .
 நெய் வெளியில் கசிந்து வரும் வரை வேக வைக்கவும் .
நெய் வெளியே வந்தவுடன் முந்திரி திராச்சையை சேர்த்து பரிமாறவும்.
    சுவையான வித்தியாசமான அல்வா ரெடி 

  குறிப்பு : (பாசிபயறு வறுத்து ஊற வைத்தால் சுவையும் மணமும் கூடும்)

காளான் கோஸ் கறி

தேவையானவை :
காளான்  - 100 கிராம்
கோஸ் - 100 கிராம்
வெங்காயம் - ஒன்று
பச்சை மிளகாய் - 2
பூண்டு விழுது - அரை தேக்கரண்டி
சோம்புத் தூள் - அரை தேக்கரண்டி
மஞ்சள் தூள் - கால் தேக்கரண்டி
மிளகு, சீரகத் தூள் - ஒரு தேக்கரண்டி
தேங்காய் துருவல் - ஒரு கைப்பிடி
எண்ணெய் - ஒரு தேக்கரண்டி
உப்பு - தேவைக்கு

செய்முறை :

காளான்  மற்றும் கோஸை நறுக்கி உப்பு தண்ணீரில் அலசி வைத்துக் கொள்ளவும். வெங்காயத்தை நறுக்கி வைக்கவும்.

கடாயில் எண்ணெய் ஊற்றி வெங்காயம், பூண்டு விழுது, பச்சை மிளகாய் போட்டு வதக்கவும்.

அதனுடன் காளான்  , கோஸ் மற்றும் உப்பு சேர்த்து வதக்கி, பிறகு தூள் வகைகள் சேர்க்கவும். தண்ணீர் விடாமல் காளான்  சுருள வேகும் வரை வேகவிட்டு, கடைசியாக தேங்காய் துருவல் சேர்த்து 2 நிமிடங்கள் வதக்கி இறக்கவும்.

காய்கறி வெண்ணெய் தோசை

தேவையான பொருட்கள் :
தோசை மாவு - ஒரு கப்
காலிஃப்ளவர் - பாதி அளவான பூ
காரட் - 2
தக்காளி - ஒன்று
பெரிய வெங்காயம் - ஒன்று
உருளைக்கிழங்கு - ஒன்று
பச்சைப் பட்டாணி - 2 மேசைக்கரண்டி
நறுக்கிய வெண்ணெய் துண்டுகள் - 2 மேசைக்கரண்டி
எண்ணெய் - பொரிப்பதற்கு

செய்முறை :

காலிஃப்ளவரை சிறிதாக உதிர்த்துக் கொள்ளவும். காரட்டை துருவி வைக்கவும். உருளைக்கிழங்கை நீளமான வடிவில் நறுக்கவும். தக்காளி மற்றும் வெங்காயத்தை நீளமாக நறுக்கவும்.

வெங்காயத்தை வதக்கி எடுத்துக் கொள்ளவும். உருளைக்கிழங்கை வேகவைத்து, பின்னர் எண்ணெயில் பொரித்து எடுத்து வைக்கவும். காலிஃப்ளவர், காரட், பட்டாணி ஆகியவற்றை ஆவியில் வேகவைத்து எடுத்துக் கொள்ளவும். (அனைத்து காய்களையும் கிழங்கு உட்பட - இட்லி தட்டில் ஒரே தட்டில் வேகவைத்து எடுக்கலாம்).

அடுப்பில் தோசைக் கல்லை காயவைத்து, தோசை மாவை எடுத்து சற்று கனமான தோசையாக ஊற்றவும். (அடுப்பை மிதமான தீயில் வைக்கவும்).

வேக வைத்த காய்கறிகளையும், நறுக்கிய தக்காளியையும் தோசை மேல் தூவி அலங்கரிக்கவும். பிறகு வெண்ணெய் துண்டுகளையும் மேலே தூவவும்.

தோசையை மூடி போட்டு, மிதமான தீயில் அப்படியே வேகவிடவும். (திருப்பிப் போட வேண்டாம்). காய்கறிகள் ஏற்கனவே வெந்திருப்பதால். வெண்ணெய் முழுவதும் உருகிவிடாமல் லேசாக சூடாகி, மென்மையாகும் வரை வேகவிட்டு எடுக்கவும்.

தொட்டுக் கொள்ள தக்காளி சாஸ் அல்லது தேங்காய் சட்னி பொருத்தமாக இருக்கும்.

கோதுமை அல்வா

தேவையானவை :
கோதுமை - 1 கப்
பால் - 2 கப்
ஏலக்காய்த்தூள் - 2 ஸ்பூன்
முந்திரிப்பருப்பு - 10
சர்க்கரை - 6 கப்
கேசரி பவுடர் - ஒரு சிட்டிகை
நெய் - 2 கப்
செய்முறை :
கோதுமையை முதல்நாளே ஊறவைக்கவும். மறுநாள் கிரைண்டரில் போட்டு அரைத்த தூய்மையான வெள்ளைத்துணி அல்லது வடிகட்டியில் போட்டு  பிழிந்து பால் எடுத்து கொள்ளவும். ஒரு அடிகனமான வாணிலியில் 6 கப் சர்க்கரையைப் போட்டு அது மூழ்கும் வரை நீர் ஊற்றி ஒற்றை கம்பி  பதத்தில் பாகு காய்ச்சிக் கொள்ளவும். ஆட்டிஎடுத்த கோதுமைப் பாலையும், சாதாரண பாலையும் பாகுடன் சேர்த்துக் கிளறவும். நன்றாக கெட்டியாகக்  கிளறி அகலமான தட்டில் கொட்டி முந்திரி தூவி அலங்கரிக்கவும். சுவையான கோதுமை அல்வா ரெடி.

கலவை பருப்பு உருண்டை

தேவையானவை :
வெள்ளை காராமணி,
கடலைப் பருப்பு, பயத்தம் பருப்பு,
பச்சரிசி (ரவையாக உடைத்தது) - தலா 1/2 கப்,
மிளகு - 10,
காய்ந்த மிளகாய் - 6,
பெருங்காயத் தூள் - ஒரு சிட்டிகை,
சீரகம் - 1 டீஸ்பூன்,
உப்பு, எண்ணெய் - தேவைக்கேற்ப,
துருவிய தேங்காய் - 1/4 கப்,
வெண்ணெய் - 1 டேபிள்ஸ்பூன்,
சோடா உப்பு - ஒரு சிட்டிகை.
செய்முறை :
பருப்பு வகைகளுடன் மிளகு, காய்ந்த மிளகாய், பச்சரிசி சேர்த்து 1 மணி நேரம் ஊற வைக்கவும். பிறகு, கரகரப்பாக அரைக்கவும். இத்துடன் தேங்காய் சேர்த்து ஒரு சுற்று அரைத்து எடுக்கவும். பெருங்காயத் தூள், உப்பு, வெண்ணெய், சோடா உப்பு, சீரகம் சேர்த்துக் கெட்டியாகப் பிசையவும். சீடை மாவு பதத்துக்கு இருக்க வேண்டும். மாவை பெரிய நெல்லிக்காய் அளவில் உருண்டைகளாக உருட்டி வைத்துக் கொள்ளவும். அதிக நேரம் வைத்திருக்காமல் உடனே பொன்னிறமாக பொரித்து எடுத்து, வடித்துப் பரிமாறவும்.  இது கரகரப்பாக, ருசியாக இருக்கும்.

தினை பொங்கல்

தேவையானவை :
தினை அரிசி - 1/4 கிலோ
பாசிபருப்பு - 100 கிராம்
நெய் - தேவையான அளவு
இஞ்சி - 1 துண்டு
மிளகு , சீரகம் - 1 ஸ்பூன்
பெருங்காயம் - சிறிது
கறிவேப்பிலை
முந்திரி - 10
உப்பு - தேவையான அளவு

செய்முறை :

கடாயில் தினை அரிசியை போட்டு நிறம் மாறும் வரை வறுக்கவும்.பாசிப்பருப்பை வாசனை வரும் வரை வறுக்கவும்.இரண்டையும் சேர்த்து 1:21/2 என்ற் விகிதத்தில் தண்ணீர் சேர்த்து குக்கரில் 3 விசில் வைத்து வேகவைக்கவும்.பின் நெய்யில், முந்திரி,இஞ்சி,மிளகு, சீரகம்,பெருங்காயம், கறிவேப்பிலை தாளித்து , வேகவைதத தினையில் சேர்த்து உப்பு சேர்த்து நன்றாக் கலக்கிதேங்காய் சட்னியுடன் பரிமாறவும்