தக்காளி ஊறுகாய்

  தேவையான பொருட்கள்: 
பழுத்த கெட்டித் தக்காளி - 2 கிலோ, 
உப்பு - கால் கிலோ, 
மஞ்சள் பொடி, வெந்தயப்பொடி - தலா 50 கிராம், 
மிளகாய்ப் பொடி - 200 கிராம். 
செய்முறை: 
தக்காளியை நன்றாகக் கழுவி, துணியால் ஈரமில்லாது துடைக்கவும். உப்புப் பொடி, மஞ்சள் பொடி, மிளகாய்ப் பொடி, வெந்தயப் பொடியை கலந்து கொள்ளவும். தக்காளியைப் பிளந்து, இந்தக் கலவையை நடுவில் அடைத்து, தாம்பாளத்தில் அடுக்கவும். இதை நான்கு நாட்கள் நன்றாக வெயிலில் வைத்து, பின் ஜாடியில் வைத்து, மூடி விடவும். எண்ணெய் இல்லாமல் செய்யும் இந்த ஊறுகாய், வெயிலில் நன்றாகச் சுருங்கி ஈரமில்லாது இருக்கும். இது 3 மாதம் வரை கெட்டுப் போகாது.
 குறிப்பு:
 தோசை, சப்பாத்தி, பூரிக்கு தொட்டுக் கொள்ள நன்றாக இருக்கும்.