பனீர் க்ரீன் கிரேவி

தேவையானவை: பனீர் - 100 கிராம் (மிதமான சூட்டில் இருக்கும் நீரில் கழுவி, சிறு துண்டுகளாக நறுக்கவும்), பெரிய வெங்காயம், தக்காளி - தலா ஒன்று, பச்சை மிளகாய் - 3, புதினா, கொத்தமல்லித்தழை - சிறிதளவு, கசகசா - அரை டீஸ்பூன், தயிர், உப்பு, வெண்ணெய், எண்ணெய் - சிறிதளவு

செய்முறை: வெங்காயம், தக்காளி, பச்சை மிளகாயை பொடியாக நறுக்கிக் கொள்ளவும், வாணலியில் சிறிது எண்ணெய் விட்டு... வெங்காயம், தக்காளி, பச்சை மிளகாய், புதினா, கொத்தமல்லித்தழை, கசகசா சேர்த்து நன்கு வதக்கவும். இதனுடன் தயிர் சேர்த்து மிக்ஸியில் நைஸாக அரைக்கவும். வாணலியில் வெண்ணெயை சேர்த்து சூடாக்கி... அதனுடன் அரைத்த விழுது, சிறிதளவு நீர், உப்பு சேர்த்து கொதிக்கவிடவும். கொதிக்கும்போது பனீர் துண்டுகளைச் சேர்த்து நன்றாக கிளறி இறக்கவும்.