மிதிபாகற்காய் பிட்லை

தேவையானவை: மிதிபாகற்காய் (சிறிய பாகற்காய்) - கால் கிலோ, புளி - ஒரு சிறிய எலுமிச்சம் பழ அளவு, தனியா - 4 டீஸ்பூன், கடலைப்பருப்பு - 4 டீஸ்பூன், காய்ந்த மிளகாய் - 4, தேங்காய் துருவல் - ஒரு கப், வேக வைத்த துவரம்பருப்பு - ஒரு கப், கடுகு - ஒரு டீஸ்பூன், எண்ணெய் - 2 டீஸ்பூன், சாம்பார் பொடி - 2 டீஸ்பூன், உப்பு - தேவையான அளவு.

செய்முறை: பாகற்காயை நறுக்கி, விதை எடுத்து, எண்ணெய் விட்டு வதக்கவும். புளியை கரைத்து இதனுடன் சேர்த்து... சாம்பார் பொடி, உப்பு போட்டு கொதிக்கவிடவும். தனியா, கடலைப்பருப்பு, காய்ந்த மிளகாயை சிறிது எண்ணெய் விட்டு வறுத்து, தேங்காய் துருவல் சேர்த்து அரைக்கவும். இதனுடன்  வேக வைத்த துவரம்பருப்பை சேர்த்துக் கலந்து, கொதிக்கும் சாம்பாருடன் கலக்கவும். அதில் கடுகு தாளித்துக் கொட்டி இறக்கவும்.
குறிப்பு: மிதி பாகற்காயை விதை இல்லாமல் பிஞ்சாக பார்த்து வாங்கினால், அப்படியே வதக்கலாம்.